Sjøleidningane kjem i land i nordaust på Stafsetneset. Der blir den lagt i grøft fram til ein kum under bakkenivå. Dette skjer på kommunal grunn. Vidare fram til sjøkanten ved Vegsundbrua skal vi legge leidning ved å bore ein liten tunnel gjennom fjellet djupt under husa i området. Sjå strekk under.
Kvifor skal vi bore?
Når ein skulle finne trase for rørleidningar over Stafsetneset, dukka det opp fleire utfordringar mellom anna rundt verneverdige tre og kryssing av svaberg. For å legge leidning på mest muleg skånsam måte både for natur og naboar, er det difor bestemt at ein skal bore gjennom Stafsetneset.
På denne måten slepp naboar graving og opne grøfter over eigedomar og i nabolaget. Ein sikrar også mellom anna den gamle alléen som går over neset. I tillegg unngår ein å øydelegge svaberg når ein skal få leidninga ut i sjøen.
Boring er ein godt utprøvd metode og grunnundersøkingane på Stafsetneset har vist at grunnforholda er gunstige for denne løysinga.
Boringa skjer eit stykke ned i bakken, i trygg avstand og erfaringar frå andre boreprosjekt tilseier at folk ikkje vil merke verken lyd eller vibrasjon frå arbeidet
Med boring opnar ein i tillegg for ny trase der ein får lagt leidninga ut i sjøen på austsida av Vegsundbrua. I samband med legginga av overføringsnettet vil Ålesund kommune bygge pumpestasjon som gjer at ein får avslutta eit av dei største ureinsa utsleppa i Ålesund, og som no sender ureinsa kloakk direkte ut i Vegsundvågen.
I kvar ende av boringa vil det bli grave ei boregrop for å få ned «bore-ormen». Denne blir fylt igjen og terrenget stelt i stand når arbeidet er over.
Legging av rør over Stafsetneset er planlagt til våren 2026.
Ventilkum på Stafsetneset
For å kople saman sjøleidningane og landleidninga på Stafsetneset skal det byggast ein ventilkum.
Ventilkummen blir gravd ned og berre lôket på 60 centimeter x 60 centimeter blir synleg på bakken. Det er ikkje lukt eller støy frå kummen. Områda der det skal gravast og arbeidast vert sett i stand igjen som grøntområde slik det er i dag. Medan vi arbeider, vil området bli stengt.
Det er sendt eige nabovarsel for kummen. Det vart sendt i november saman med invitasjon til informasjonsmøte for naboane.
Følgebrevet til nabovarselet ser du her. (PDF, 756 kB)
Snitt ventilkum (PDF, 120 kB)
Situasjonsplan - landskapsplan (PDF, 2 MB)
Det er planlagt å starte utbygging av ventilkummen og leidninga mellom Stafsetneset og Vegsundet i første halvdel av 2026.
Stafsetneset - Vegsundbakken
Frå boretraseen og boregropa ved Vegsundbrua skal leidninga vidare leggast i ei grøft opp mot Vegsundbakken og ned og ned til sjøen der den blir kopla til ei sjøleidninga som går vidare til Kongshaugen.
Strekninga er om lag 500 meter.
Planen er å starte å utbygging av leidninga våren 2025.
I november 2024 vart det sendt ut nabovarsel med invitasjon til informasjonsmøte.
Følgebrev til nabovarsel finn du her. (PDF, 858 kB)
D1 Situasjonsplan (PDF, 4 MB)
D2 Situasjonsplan (PDF, 2 MB)