Vi skal gjere geologiske undersøkingar i området der pipa frå berghallen skal kome opp. Det blir gjort for at vi skal ta ei nærare vurdering av berget der pipa kjem opp og om det må gjerast tiltak for å sikre pipa. Når området er undersøkt, kan ein også vurdere om det eventuelt trengst prøveboring, for å få nok informasjon til vidare planlegging. Før vi kan undersøke området, må vi skoge. Det arbeidet startar tirsdag 20. februar.

Det blir samtidig montert utstyr for overvåking av vannstanden i myra i Breidalen.

Kontraktar og tilbod er no lyst ut og det er venta byggestart før sommaren 2024. 

Det første som skjer er knytt til fortau, utviding av Kongshaugstrandvegen til seks meter køyrebanebreidde (pluss skulder) og administrasjonsbygg. 

Det er leigd riggområde på delar av industriområdet.

Arkeologiske utgravingar vart gjort hausten 2023.

Utgravingane skjedde i området rundt der administrasjonsbygget skal ligge. Under utgravingane vart det sett opp avgrensingar mot kjende kulturminne, for at dei ikkje skal bli øydelagde.

Utgravingane vart gjort av Museum Vest og følgd opp av Møre og Romsdal fylkeskommune.

Det vart gjort mange fine funn og arkeologane får no sikra informasjonsverdien til kulturminna. 

Sula kommune har fått dispensasjon til å få frigitt området etter at dei arkeologiske utgravingane er gjorde, slik at når utgravingane no er ferdige, vil området kunne takast i bruk

Kart som viser sikringsgjerde mot kulturminne

Innanfor rundt 100 meter frå der det skal sprengast, vil naboar få tilbod om synfaring og kartlegging av tilstand på hus, støttemurar og liknande.

Synfaringa vil skje av tredjepart som ikkje har noko med prosjektet å gjere. Synfaringa kan skje tidlegast seks månader før oppstart av aktivitet.

Dokumentasjon er med video som blir lagra i tråd med personvernreglar.

Hus får også vibrasjonsmålar, ein "liten koffert" og med eit innbora målepunkt i husmur.

Bergkvaliteten i området er svært god med unntak av ei svakheitssone i Breidalen. Berghallen er plassert slik at ein unngår denne sona.

I tunellane blir det typisk 1-2 sprengingar per dag. Sprenging på tomta til administrasjonsbygget vil vare om lag eit sekund medan sprenging i tunellar vil merkast i 5-8 sekund.

Det er om lag 20 meter avstand frå husa i Kvasnesvegen og ned til tunellen.

Sprenging vil merkast godt og det vil klirre i skap. Ein vil merke det mest når arbeidet i tunnelen nærmar seg, og så vil det minke etter at ein har passert. Sprenging blir gjort innan strenge sikkerheitskrav og sjølv om det merkast godt, vil det ikkje vere farleg.

Det vert auka trafikk inn på Veibustkrysset. Det er diskutert fleire løysingar med Vegvesenet, men avbøtande tiltak vil vere å ikkje sleppe anleggstrafikken inn i krysset i rushtida i tillegg til at ein vil "premiere" korte transportlengder eller transport på lekter i anbodskonkurransen.

Under arbeidet blir det vanskeleg å kome fram langs Kongshaugstranda. Det blir lysregulering for tungtrafikk og større bilar. Omkøyring via Kvasnesvegen for personbilar. I nabolagsmøtet med naboane kom det  fram fleire gode innspel om utfordringar med å bruke Kvasnesvegen, som vert teke med i vurderingane vidare. 

Bekjemping av framandartar starta før anleggsarbeida.

Registrering skjedde våren 2023. Då vart både tidlegare registrering av svartelista artar stadfesta i tillegg til at ein registrerte trua artar (raudlista artar)

Dette gjaldt kun stader som blir berørt av byggearbeida.

I løpet av sommaren 2023 vart det sprøyta for å drepe framandartar. Planter/tre vart så fjerna når dei var døde. Massar i undergrunn vart fjerna og deponert på godkjent stad. 

Vi vil legge vekt på å informere nabolaget om aktivitet som skjer både før og under byggefasen.

Dei største tinga blir varsla med sms til innbyggarane gjennom Sula kommune sitt varslingssystem.

Ver obs på om du har takka nei til å motta sms-ar og dersom nokon ikkje kan opne sms, så sørg for at meldingar blir sendt til nokon som kan opne den. Det kan også skje at du har ein jobbtelefon som er registrert utanfor området. Då får du ikkje sms utan at du gir beskjed om at du vil ha. Du kan melde frå på www.varslemeg.no, eventuelt ta kontakt med servicekontoret i Sula kommune

Vi vil også legge ut informasjon fortløpande her på heimesida www.blafjordar.no og på Blå fjordar si Facebook-side.

I tillegg kan du melde deg på og få nyheitsbrev tilsendt på e-post.

Vil du ha nyheitsbrevet eller har andre spørsmål,

send e-post til post@blafjordar.no