I tillegg til sjølve reinseanlegget, skal det leggast rundt 34 kilometer med rør og byggast sju pumpestasjonar og to ventilhus og ein ventilkum, for å frakte avløpsvatnet fram til Kongshaugen.

Komande veke, i veke 11 (9.-13. mars) startar arbeidet med pumpestasjonen i Djupvika. I tillegg skal det byggast pumpestasjonar i Langevåg og på Sunde. 

Overføringsnettet i Sula

Overføringsnettet i Sula skal gå frå Langevåg sentrum ved Langevåg barnehage over land til området ved hurtigbåtkaia på Stadsneset. Derifrå går leidninga vidare i sjø til Åregjerde før leidninga skal leggast over land fram til Vågevatnet der det blir lagt sjøleidning. Deretter går traseen over land til Orkevika og så i sjø fram til Djupvika og til slutt gjennom sjø til Tørla.

Totalt skal det for Sula kommune sin del leggast 1.655 ny leidning over land og 12.415 meter sjøleidning i Sula.

Pumpestasjonen i Djupvika

Pumpestasjonen i Djupvika skal ligge i området ved Tingstadvegen, bak Jakob og Johan Dybvik AS. Stasjonen vert på to etasjar med samla areal på begge etasjane på rundt 130 kvadratmeter. Kjellaren er nedgraven og over bakkeplan blir det ein høg etasje som er nedgravd i bakkant inn mot bakke og terreng. Det skal også lagast ny veg fram til pumpestasjonen.

Bygginga vil ikkje påverke vanleg trafikkavvikling, arbeidet skal gjerast innanfor vanleg arbeidstid og det vert ikkje sprengingsarbeid eller støyande arbeid utover det som er vanleg for husbygging.

Det er ikkje lukt eller utslepp frå ein pumpestasjon.