Pumpestasjonane er ein del av overføringsnettet til Kongshaugen reinseanlegg, som skal reinse avløpsvatnet frå om lag 50.000 innbyggarar i Ålesund og Sula.

Det er entreprenør Christie Opsahl som har fått kontrakt både på arbeidet i Larsgården og bygging av pumpestasjon i Djupvika i Sula. Entreprenøren planlegg å starte arbeidet i Larsgården første veka i september. 

Skal avvikle reinseanlegget i Larsgården

Pumpestasjonen er ein mindre stasjon for pumper og tilhøyrande teknikk. Den går over to etasjar og er på til saman 120m2. 
Stasjonen blir bygd ved sidan av reinseanlegget i Larsgården som skal ikkje lenger vere i bruk  når Kongshaugen reinseanlegg kjem i drift. Med pumpestasjon på Larsgården i staden for reinseanlegg blir det ikkje lenger utslepp til Ellingsøyfjorden frå dette punktet. Avløpsvatnet blir pumpa vidare til den nye pumpestasjonen i Breivika og deretter vidare til Kongshaugen og sekundærreinsing der. 

Byggeskikk for pumpestasjonen står i stil med bygga rundt. I tillegg til etablering av sjølve stasjonen skal det også gjerast noko grøftearbeid og arbeid på tilknytta rørleidningar.    

Arbeidstid

Bygging av stasjonen vil pågå frå slutten av august 2025 til våren 2026. Deretter blir det montering av teknikk i bygget fram mot desember 2026 når pumpestasjonen skal være klar til drift.

Entreprenøren vil i hovudsak forholde seg til ordinær arbeidstid, og støyande aktivitetar er avgrensa til mellom klokka 07:00 og 19:00. Arbeidet vil også medføre noko anleggstrafikk i området.

Har du spørsmål?

Har du spørsmål, kan du ta kontakt med byggeleiar på telefon 98 62 30 34.