Sula kommune søker om løyve etter forureiningslova til reinsing av avløpsvatn frå store delar av Ålesund og Sula. Det er søkt om utsleppsløyve for eit nytt reinseanlegg for avløpsvatn plassert i Veibustfjellet, med overføringsanlegg.

Anlegget får eit mekanisk og eit biologisk reinsetrinn for behandling av avløpsvatn og eit anlegg for fjerning av lukt.

Utsleppspunktet for reinsa avløpsvatn vert på 60 meters djup i Storfjorden sør for Kvasneset. Utslepp av reinsa luft vil vere frå ei tjue meter høg pipe i Breidalen.

Søknadsdokumenta finn du hos Statsforvaltaren i Møre og Romsdal og hos Ålesund og Sula kommune.

Eventuelle merknader skulle sendast til Statsforvaltaren i Møre og Romsdal, postboks 2520, 6404 Molde, eller sfmrpost@statsforvalteren.no innan 5. januar 2024

I juli 2024 kom meldinga om at Statsforvaltaren gav utsleppsløyve.