Det er firmaet Bertelsen & Garpestad som skal stå for arbeidet som skal vare gjennom heile 2025. 

Prosjektleiar i BLÅ fjordar, Terje Endresen, ønskte anleggsarbeidarane lykke til med prosjektet, og håpte det vart eit godt prosjekt både kvalitetsmessig, økonomisk og ikkje minst sikkerheitsmessig. 

For å markere milepælen med den alle første salva vart det også servert kake til skiftet som var på jobb denne dagen. 

Meir om berghallane finn du her.

Arbeidstid

For sprengingsarbeidet vil det mest vanlege vere mellom to og fire salvar per dag. Arbeidet startar klokka sju og skal vere ferdig klokka 19.30. I oddetalsveker er det arbeidstid laurdag 7-18. I partalsveker vert arbeidet avslutta fredag kl 18. Dette er arbeidstider slik det er planlagt. Men, når ein jobbar med sprengstoff og fjell, kan det skje at ein av sikkerheitsmessige årsaker, må gjere ferdig ein jobb og ein dermed av og til må gå utover desse tidene.  

Stenging av veg

I starten av arbeidet og før ein kjem seg innover i fjellet, så vil vegen bli stengt i samband med sprenging. Det blir vakter som stoppar trafikken i 5-10 minutt medan salva går av og ein får forsikra seg om at det er trygt å passere. 

Vil du bli varsla om sprenging?

Dersom du vil ha varsling om sprenging, må du melde frå på denne nettsida

 Nabovarsling.no 

og legge igjen telefonnummeret ditt. Då får du ein sms i forkant av kvar sprenging sprenging. Det er enkelt både å melde seg på og melde seg av tenesta.
Alle som vil ha varsling må legge inn telefonnummeret.

Det er mange som i den første fasen med vegarbeid langs Kongshaugstranda melde frå om at dei ville ha varsling. Desse må dessverre legge inn telefonnummera sine på nytt i den nye ordninga. 

Tenesta som blir tilbode no via nabovarsling.no gir både varsling og utvida informasjon om sprengingsarbeidet, der dei mellom anna viser kor mange salvar som er skotne og kor langt arbeidet har kome. Dette er ei teneste som er brukt mange stader i Norge og som enkelte lokalt også kjenner til via varsel i samband med Lerstadtunnelen og arbeidet på strekninga Blindheim-Flisnes.