Det er med det vi kjenner til no snakk om rundt 200 liter diesel som har rent ut av ein tank. Årsaka er feil på ei kopling.  

Dette skjedde nede i ei boregrop av fjell og har ikkje rent vidare gjennom natur og ut i sjø. For sikkerheits skuld er det likevel lagt ut oljelense i området.

Dieselen er pumpa opp og vi arbeider no med å fjerne lausmassane i boregropa. Det er forventa at dette arbeidet vil vere ferdig torsdag.  

Arbeidet som er gjort er gjort i dialog med Brannvesenet og andre fagmiljø. 

Uhellet vert følgd opp og gjennomgått med entreprenør for å redusere risiko for at det kan skje igjen.

I samband med uhellet har det vore lukt av diesel i området. Når diesel og forureina massar er fjerna, er det venta at det vert mindre lukt forholdsvis raskt.